¦[ܔ. أحــلام البــنات ܔ]¦

¦[ܔ. أحــلام البــنات ܔ]¦


--------------------------------------------------------------------------------


الأحلام والآمال جزء أساسي ورئيسي في حياتنا،

فالحلم هو رسم مبسط لشكل دنيانا في المستقبل ؛؛

أحيانا حلمنا يتغير أو يتبدل وأحيانا ننساه؛؛

أو ربما نتناساه،،

وبالطبع أحلامنا غير أحلام غيرنا.. وإن تشابهت الأحلام ؛؛

لكل بنت منا حلم

اللي حلمها تتزوج وتكون اسره

واللي حلمها تكمل دراستها

واللي حلمها بمشروع تحس فيه بذاتها واهميتها بمجتمعها

اشياء كثيره نحلم فيها

:: بالنسبه لي انا ::

احيان احلم بأني اتزوج واتخيلي شكلي زوجي

وصديقاتي يباركون لي

والدموع بعين ابوي واخواني

وشكلي بالفستان والزفه

حتى موديل الفستان متخيلته ومن اللي مصممه لي

وكيف شكله ووشلون صاير ؟

حتى شكل القاعه كيف

واتخيل شكلي بشهر العسل

ورجلي وهو خاق معي << حالتها صعبه

وكمان اتخيل شكله وهو راد من الدوام مشتاق لي

ولما اجيب عيال حتى مسميتهم !!

واحيان اقول لا اهم شي اكمل دراستي

واحقق حلمي بأني اصير عالمه بقسمي

وادرس معاقين واعرف كيف اتعامل معاهم

واتمنى من الله ان يقوي قلبي

يااااااااااااااااااااااااااارب

يمكن تحسوني احلامي خياليه ؛؛

وارجع للعرس والزواج والدبله

حلم عمري البسها وعليها اسم رجلي

وتصير علي دايم وما افصخها ابد

<<<<يالبيه يا انا كسرت خاطر نفسي

وكمان ما ابي اتزوج الا الشخص اللي انا ابيه واختاره

ادري تقولون مهبوله ذي

بس من جد تخيلوا يا بنات تحلمين تاخذين واحد رومانسي

يفهمك ويقدرك ويحترمك

ويخاف الله ويتقيه

ويتقدم لك واحد توافقين عليه الا دفش ماعنده بالرومانسيه ما عند جدتي

موب قهر بالله

عموما احلامي مالها حصر

وانا ادري انه ما في امل من بعضها

يس يلا ان شاء الله تتحقق

ياااااااااااااااااااااااارب

بس بعض الاحلام تساعدنا اننا نعيش ونخطط لحياتنا زين

ذي قصيده اذكر اني قريتها من زمااااااان

حسيت انها تعبر عن حلمي

بس تهقون يا بنات فيه رجال كذا ؟


أبي فارس يسافر بي على متن السهر والنور
يذوبني على صدره كما شمسٍ تبي لقياه

وأبي شاعر يصورني ويكتبني سماء وبحور
يقول الشعر بعيونه وبعيون الشعر ألقاه

وأبي عابد يخاف اللي يحج لبيته المعمور
الى منّه عصى ربه سجد باكي على رجواه

وأبي طاهر مثل غيث السحاب الغالي المغمور
عفيف النفس والنظرة وحبه مالك دنياه

وأبي قلبٍ حنونٍ ماتقصر نبضته بشعور
يتوج حبنا العذري بتاجٍ روعته تزهاه

وحيدي شوقي الأجمل حلالك دمي المهدور
تبي تنشيه أو تروي زهورٍ ذابله من ماه

أميري وينها أرضك أبوصل قصرك المسحور
أبي موتي على صدرك أضيع برجفته ودفاه

كبير الحلم في نفسي وروحي والحلم معذور
مجرد حلم داعبني تراي من الصغر وياه

وأنا أدري بهاالدنيا شبابٍ يعشقون الجور
قليل اللي نلاقيهم هواهم صافيٍ معناه

حبيبي بالمحال اللي أبيه ولالقيت النور
شعورٍ غامض بنفسي أحسك جالسٍ تقراه

أحس إنك بتتحقق وأحس إن الزمن بيدور
وأحس إن الحلم باقي وأحس إني قريب ألقاه

يالله عاد كل بنت تشاركنا بحلمها

مافي احد ما عنده حلم بحياته !!

لو هو سخيف حطيه موب اسخف من اللي ذكر اعلاه

خللونا نواسي بعض على هالاحلام

واتمنى انكم تتفاعلون معاي بالموضوع

وان شاء الله كل احلامي واحلامكم تتحقق

قولوا اميييييييييييييييييييييييييييييين

دمتم بود ؛؛

اختكم الحالمه (لوووووووووووووووووول)

جوووووووووووووووووووووري

منقول


ـــــــــــــــــــــــــــــــــــــ
التوقيع